Eg er så heldig at eg kan padle på jobb.
På veg til og frå jobb brukar eg å stanse opp og ta eit kvarter med rulletrening. I går gjorde eg som vanleg - eg stansa ved lysbøya i Sortlandsundet og låg og kosa meg. Med eitt ser eg to niser som bryt vassflata berre 4-5 meter frå kajakken. Dei syntest tydeleg at den kvite dukbåten var interessant, og heldt seg attmed og sirkla rundt kajakken i minst 4-5 minutt. Det var nesten som dei baud meg opp på dans! Eg la meg ut vatnet og prøvde å sjå dyra utfalde seg, men det blei for uklårt utan svømmebriller og med algevekst i vatnet.
Ei stor naturoppleving!
Asle-Håvard
Ingen kommentarer:
Legg inn en kommentar